Anong trabaho ang kaya mong pasukin para makaipon at magkabahay?
“Rumaraket po ako bilang isang online English tutor para may pandagdag sa sahod ko bilang restaurant staff”, ito ang sagot ni Bea, 27, mula sa Alaminos, Laguna. “Pangarap ko po kasi talagang magkabahay, kaya dumodoble-kayod ako”, dagdag pa niya.
Ikinuwento ni Bea na noon ay nakikitira lamang sila sa kanilang kamag-anak dahil hindi kaya ng mga magulang niya ang magbayad ng renta. Ang kinikita ng nanay nila sa paglalabada at ng tatay nila sa pagda-drive ng jeep ay napupunta lang sa ambag nila sa pambayad ng kuryente at tubig, sa pagkain, at sa mga gastusin nilang tatlong magkakapatid sa paaralan. Walang naitatabing pera para makapagpundar ng sarili nilang bahay.